Yeni tanışdığınız birində yaxşı bir təəssürat yaratmağın 6 yolu - ARAŞDIRMA
Həmişə ilk tanış olduğumuz insanların bizim haqqımızda müsbət düşünməsini istəyirik. O, əgər sevdiyimiz və yaxud gələcək həyat yoldaşımız olacaq şəxsdirsə, onda daha çox həyəcanlanırıq. Bəzən lazımsız davranışlar nümayiş etdiririk. Bu da sadəcə bizə yox, qarşı tərəfə də pis təsir edir. Bəs bunlardan necə yaxa qurtarmaq olar?
GoldNews.Az yeni tanış olduğunuz birində yaxşı bir təəssürat yaratmağın 6 yolunu araşdırıb sizə təqdim edir.
1- Nəzakətli davranın
Yeni tanış olduğunuz birinə qarşı xeyirxah olmaq çox əhəmiyyətlidir. Çünki nəzakət yaxşı bir təhsil tarixinin, təchizatlı bir mədəni infrastrukturun və sosial bacarıqların ən mühüm göstəricilərindəndir. Təbii ki, insanlığa dair bütün məsələlərdə həssas olmaq və hər kəsə qarşı hörmətli olmağın da ilk addımı nəzakətli olmaqdan keçir.
2- Ünsiyyət zamanı gözlərinə baxın
Qarşınızdakı şəxs müdiriniz, komandiriniz deyil. Danışarkən gözlərinə baxmamanız üçün bir maneə yoxdur. Göz təması hiss transferinə də kömək olacaq, yeni tanış olduğunuz insanlarla daha asan əlaqə yarada və sizi daha tez tanımalarını təmin edəcək.
3- Şən olun
Onsuz da həyatımızda insanların əksəriyyəti sıxıntılı vəziyyətdədir və qaşqabaqlı üz ifadələri ilə gəzənlər ətrafımızda çoxdur. Buna görə də siz ilk tanış olduğunuz zaman şən olun. Sizin enerjiniz qarşı tərəfə də keçəcək. Şən bir davranış həyata çox əhəmiyyət verdiyinizi göstərəcək. Bəşəriyyətin tarixi şən insanlar tərəfindən yazılsaydı necə olardı bir düşünün.
4- Fərqli olmaqdan çəkinməyin
Fərqli düşüncə və hərəkətlərinizin arxasında dayanın. Heç kəs eyni olmaq məcburiyyətində deyil. Həmçinin fərqli biri ilə tanış olmaq hər kəs üçün cəlbedicidir. Əslində bütün insanlar fərqli başqa insanlarla tanış olmaq və ünsiyyət qurmaq üçün köçlər etmiş, yeni diyarlar kəşf edib yerləşmişlər. Onlardan bu gözəllikləri gizlətməyin.
5- Adı ilə və səmimi bir şəkildə xitab edin
Birinə həmişə "siz tonundan müraciət etmək hər iki tərəf üçün yorucudur. Əl sıxıb və adları öyrəndikdən sonra saatlarla siz dolu bizli nitqin yalandan bir ehtiram yaratmaqdan başqa bir nəticəsi olmayacaq. Ayrıca tanış olduqdan bir gün sonra adı unudulanlar karvanına daxil olmaq istəmirsinizsə, adla xitab etmək ən doğrusu olacaq.
6- Danışdıqlarına qulaq asın
Hər kəs danışdığı bir hekayənin, ya da sualın dinlənməsini istəyir. Qulaq asırmış kimi aparıb gözü telefonda və ya ətrafda gəzinənlərin uğursuz və pis ilk təəssüratlar yaratdığını bilirik. Nitqin iki tərəfi vardır. Danışan və dinləyən. Doğru davranışlar sizə həm zaman, həm də yeni insanlar verəcəkdir.
