"WhatsApp"dan daha bir YENİLİK -

Dünyada ən çox istifadə edilən sosial şəbəkələrdən biri olan "WhatsApp" yeniliklər etməkdə davam edir.

GoldNews.Az xəbər verir ki, bir neçə gün bundan əvvəl "WhatsApp"da göndərilən mesajı geri qaytarmaq haqqında funksiya barədə məlumat verilmişdi. İndi isə bu mesajlaşma proqramında istifadə olunan əyləncəli işarələri daha rahat tapmaq üçün funksiya hazırlanıb. Bu funksiyadan əvvəl də istifadə olunmağa çalışılıb, lakin funksiya özünü doğrulda bilməyib.

Funksiyanı işə salmaq üçün əyləncəli işarələr menyusunun altında olan işarəyə toxunduğunuzda tapmaq istədiyiniz işarənin adını və ya əlaqəli bir sözü yazaraq axtarış edə bilərsiniz. Əyləncəli işarəni rahat tapmaqdan əlavə, bu xüsusiyyət işarələrin nə mənaya gəldiyini axtarmaq üçün də istifadə edilə bilər, yəni artıq "WhatsApp"da istifadə etdiyiniz işarələrin mənasını biləcəksiniz.

Bu funksiya hal-hazırda beta istifadəçilərində tətbiq olunub. Yaxında funksiya bütün istifadəçilər üçün təqdim olunacaq.