Nazirliyin dərs bölgüsü əndrabadidirmi? - Əslinə bölgü necə olmalıdır? - AÇIQLAMA

Təhsil Nazirliyinin müəllimlərin dərs yükünün müəyyənləşdirilməsi ilə bağlı 15 may 2017-ci il qərarı müzakirə edilməkdədir.

Qərarda anlaşılmayan məqamlar da var.

GoldNews.Az xəbər verir ki, təhsil eksperti Nadir İsrafilov bölgünün anlaşılmaz olduğunu bildirib:

“Təhsil Nazirinin 15 may 2017-ci il tarixli 54 saylı əmri ilə təsdiq olunmuş “Azərbaycan Respublikası Təhsil Nazirliyi sisteminə daxil olan ümumi təhsil müəssisələrində müəllimlərə tələbatın müəyyənləşdirilməsi, pedaqoji kadrların işə qəbulu və yerdəyişməsi Qaydaları”nın 2.2 bəndinə əsasən müəllimin həftəlik dərs yükü norması 18 saat müəyyənləşdirilib. Bu əndrabadi bölgü hardan ortalığa çıxıb, heç özüm də baş açmıram”.

Aztehsil.com saytının baş redaktoru Elşən Qafarov isə məsələyə bu cür aydınlıq gətirib.

“Müəllimlərin yeni tədris ili üçün dərs yükü müəssisə rəhbəri tərəfindən müəllimlər əmək məzuniyyətinə çıxanadək müəyyənləşdirilir və onlara bu barədə məlumat verilir. Müəllimlərin dərs yükü tədris ili ərzində, bir qayda olaraq, sabit saxlanılır. Dərs yükü bölüşdürülərkən mövcud qanunvericiliyin tələbləri, müəllimlərin diaqnostik qiymətləndirmədə göstərdiyi nəticələri nəzərə alınır. Dərs bölgüsü aparılarkən müəssisədə işləyən müəllim üçün həftəlik dərs yükü 18 saat (bu zaman həftəlik dərs yükü 2 stavkadan artıq olmamalıdır) müəyyənləşdirilir. Vakant dərs yükü 18 saatdan az olarsa, həmin saatlar ilk növbədə müəssisənin ixtisaslı müəllimləri arasında bölüşdürülür. Müəssisədə hər hansı ixtisasdan kadr olmadıqda, həmin ixtisas üzrə tədris planına əsasən müəyyənləşdirilmiş həftəlik dərs yükü 18 saatadək olduğu halda digər müəssisələrdən əvəzçiliklə və ya saathesabı qaydasında müəllim dəvət olunması məsələsinə baxılır, bu mümkün olmadıqda həmin dərs saatları vakant hesab olunur və müsabiqəyə çıxarılması üçün təqdim edilir”.//a24.az