Nazirliyin "müflis elan etdiyi" Nehrəmli danışdı: "Əsas odur ki..."
Hacı İbrahim Nehrəmli kimi tanınan qalmaqallı biznesmen İbrahim İbrahimov mətbuatda müflis elan edilməsi barədə yayılan məlumatlara aydınlıq gətirib. GoldNews.Az-a açıqlama verən Nehrəmli qeyd etdi ki, yayılan məlumatlar həqiqəti əks etdirmir:
"Bəzi saytlar yazırlar da, nə deyim axı. Amma müflis elan edilməmişəm. Yalan məlumatdır. Yenə də işlərim əvvəlki kimi davam edir. Kim nə yazır, özü bilər. Əsas odur ki, mən öz işlərimlə məşğulam. Hazırda da istirahətdəyəm. Düşünürəm ki, Vergilər Nazirliyi belə bir açıqlama yaya bilməz".
Qeyd edək ki, bu gün mia.az saytı iş adamının müflis elan edildiyini qeyd edib. Portal "Vergilər" qəzetinin xüsusi buraxılışına istinadən bildirir ki, "Avesta Group of Companies" MMC Vergilər Nazirliyi tərəfindən dövlət qeydiyyatına alınıb.
Şirkət bu ilin may ayının 12-də qeydiyyatdan keçib. Şirkətin təsisçisi Hacı İbrahim Nehrəmli kimi tanınan məşhur iş adamı İbrahim İbrahimovdur.
MMC-nin nizamnamə kapitalı 10 manatdır.
