Ərdoğan və Abdullah Gül arasındakı soyuqluğun səbəbi BƏLLİ OLDU - FAKTLAR
Bu gün Türkiyə mətbuatında yayımlanan "Ərdoğan Gülə niyə bu qədər soyuq davranır?" başlıqlı yazı çox müzakirə olunub.
GoldNews.Az xəbər verir ki, Can Ataklının qəzetdə yazdığı məqaləyə görə, prezident Ərdoğan ilə keçmiş dövlət başçısı Abdullah Gülün arasındakı soyuqluğu duymayan yoxdur. Gülün prezidentliyi dövründə iki liderin xanımlarının da yola getmədiyi, Əminə Ərdoğanın Çankayaya çıxmamaq və Hayrünisa Gülü görməmək üçün hər vəchlə çalışdığı yazılıb. Həmçinin qeyd olunub ki, 7 illik hakimiyyətinin ardınca Abdullah Gül yenidən prezidentlik seçimlərinə qatılmaq istəsə də, Ərdoğan buna qarşı çıxıb.
Ötən ay keçirilən referendum zamanı da Gülün "yox" kampaniyalarına qoşulmaması ilə bərabər "hə" üçün heç dəstək verməməsi AKP tərəfindən qeyri-adi şəkildə qəbul olunub.
Qəzetdə dərc olunan yazını olduğu kimi təqdim edirik: "Ətrafdan aldığım məlumatlara görə, iki liderin arasındakı problemin kökləri 17-25 dekabra dayanır. Həmin tarixlərdə Türkiyədə rüşvət və korrupsiyaya qarşı əməliyyatlar aparılıb. (Həmin vaxt Ərdoğanın oğlu Bilal Ərdoğan ifadəsi alınması üçün məsuliyyətə cəlb olunub). Tayyib Ərdoğan hadisə günü oğlu Bilala zəng vurub. Bu işin başında Zəkəriyyə Öz var. Onu mənə Hamdi Topçu gətirmişdi. "Tez onun yanına get" deyib. Bilal da Hamdi Topçunun yanına gedib. Topçu canı biraz sıxılmış olsa da, Bilal Ərdoğanı da götürüb, Zekeriya Özün yanına gedib. Zekeriye Öz gözlənilən reaksiyanı verməyib: "Artıq çox gecdir. Mən istəsəm belə, bir şey edə bilmərəm" deyə qarşılıq verib.
Oğlunun nəzarət altına alınacağını duyan Ərdoğan oğluna "Abdullah əminə (Abdullah Gülü nəzərdə tutub) get, vəziyyəti danış, bir şeylər etsin" deyə təlimat verib. Bilal bundan sonra tez Abdullah Gülün yanın gedib. Gül isə cavabında bunları deyib: "Bu vəziyyətə bir prezident olaraq müdaxilə etsəm, iş daha da böyüyər" deyərək bu nəsihəti verib: "Övladım, hər halda bu korrupsiya işlərinin içərisində deyilsən, yəni qorxacaq bir şeyin yoxdur, məncə, heç çəkinmə, get, ifadəvi ver, beləsi daha xeyirlidir" deyib.
İddialara görə, iki lider arasındakı soyuqluq da elə burdan başlayıb".
