Niftulla Məmmədlinin xanımı vəfat etdi - Yeni ana olmuşdu - Yenilənib
“Azərişıq” ASC-nin Mətbuat xidmətinin əməkdaşı Niftulla Məmmədliyə ağır itki üz verib. “Qafqazinfo” xəbər verir ki, N.Məmmədlinin həyat yoldaşı 24 yaşlı Günel Məmmədli bu gün səhər saatlarında dünyasını dəyişib. Belə ki, ötən ilin 24 dekabr tarixində qız övladı dünyaya gətirən G.Məmmədlinin səhhəti pisləşdiyi üçün Mərkəzi Neftçilər Xəstəxanasına yerləşdirilib. Lakin orada vəfat edib. Qeyd edək ki, Niftulla Məmmədli daha əvvəl AzTV-də jurnalist kimi çalışıb. *** Mərkəzi Neftçilər Xəstəxanasından bildirilib ki, qeysəriyyə əməliyyatı özəl klinikaların birində icra olunub. G. Məmmədli bu gün adıçəkilən xəstəxanaya gətirilərək reanimasiyaya yerləşdirilib, lakin həyatını xilas etmək mümkün olmayıb. *** TƏBİB-dən sorğumuza cavab olaraq bildirilib ki, 2001-ci il təvəllüdlü pasiyent (qadın cinsli) bu gün saat 04:10 radələrində ağır vəziyyətdə Mərkəzi Neftçilər Xəstəxanasına hospitalizasiya olunub. Xəstəyə göstərilən bütün zəruri və təcili tibbi müdaxilələrə baxmayaraq, saat 05:15-də dəqiqləşdirilməmiş ürək dayanması diaqnozu ilə ölüm faktı qeydə alınıb. Qeyd edək ki, pasiyent hamiləliyi boyunca özəl tibb müəssisəsində antenental xidmət alıb, eləcə də qeysəriyyə kəsiyi əməliyyatı icra olunub. Ölümün bilavasitə səbəbi yalnız təşrih nəticəsinə təyin oluna bilər.
