Daha bir ana doğuş zamanı öldü - Bu dəfə Bərdədə (YENİLƏNİB)

Bərdə rayonunda doğuş zamanı baş verən ana ölümünün səbəbi açıqlanıb.

GoldNews.Az xəbər verir ki, Bərdə Mərkəzi Rayon Xəstəxanasının Doğum şöbəsinin həkimi Tünzalə Quliyeva APA-nın yerli bürosuna bildirib ki, 31 yaşlı qadının üzərində aparılan qeysəriyyə əməliyyatı zamanı anada emboliya yaranıb, dölyanı maye qəflətən qana keçib: “Anada aşağı venalar açıq olub. Bu səbəbdən də böyük həcmli maye qana keçib. Könül Əliyevanı bu səbəbdən, yəni damarlara keçən hava səbəbindən itirdik. Bu kimi hadisələr çox nadir hallarda baş verir”.

******

Bərdədə ana doğuş vaxtı ölüb.

GoldNews.Az APA-ya istinadən xəbər verir ki, Bərdə rayon Həsənqaya kənd sakini, 1986-cı il təvəllüdlü Könül Əliyeva Bərdə Mərkəzi Rayon Xəstəxanasında qeysəriyyə əməliyyatı zamanı dünyasını dəyişib.

Yeni doğulan körpəni xilas etmək mümkün olub.