Harrisin Trampla Obamanın söhbətinə reaksiyası gündəm oldu - Video
Xəbər verdiyimiz kimi, ABŞ-nin həyatda olan bütün keçmiş prezidentləri - Bill Klinton, kiçik Corc Buş, Barak Obama, həmçinin yeni seçilmiş Prezident Donald Tramp, eləcə də hazırkı vitse-prezident Kamala Harris ölkənin 39-cu Prezidenti Cimmi Karterlə vida mərasimində iştirak ediblər. “Qafqazinfo”nun məlumatına görə, mərasimin əvvəlində liderlər onlar üçün ayrılan oturacaqlara yaxınlaşdıqda Kamala Harris ötən ilin noyabrında prezident seçkilərində məğlub olduğu Donald Trampla, eləcə də onun yanında əyləşən Barak Obama ilə salamlaşmayıb. Bununla yanaşı, Obama ilə Trampın söhbət etdiyini görən Harrisin üz ifadələri də marağa səbəb olub. Sosial şəbəkə istifadəçiləri siyasətçinin reaksiyasını qısqanclıq kimi qələmə veriblər. Sözügedən anın görüntülərini isə ABŞ mediası yayıb:
