“Onunla yoldaşım arasında bir problem olmayıb” - Qətlə yetirilən qadının əri

Ötən gecə Ağstafa rayonunda qətl törədilib. “Qafqazinfo” xəbər verir ki, 61 yaşlı Fatma Musayeva rayonun Dağkəsəmən kəndində yaşadığı evdə kəsici alətlə qətlə yetirilib. Polis əməkdaşları qadının cinayəti törətməkdə şübhəli bilinən qohumu 49 yaşlı Zülfiyyə Musayevanı saxlayaraq istintaqa təhvil verib. Araşdırma aparılır. *** Ağstara rayonun Dağ Kəsəmən kəndində 61 yaşlı Fatma Musayevanın qətli ilə bağlı bəzi təfərrüatlar məlum olub. Mərhumun həyat yoldaşı Elman Musayev “Qafazinfo”ya bildirib ki, hadisəni törətməkdə şübhəli bilinən Zülfiyyə Musayeva əvvəllər onun ailəsinə pul borclu olub: “Zülfiyyə iyun ayında mənə dedi k, min manat pul lazımdır. Hiss elədim ki, daha öncə yoldaşıma deyib yoldaşım razılaşmayıb. Bizə dedi oktyabr ayında pulu verəcəm. Oktyabr qurtardı, dedik noyabrı gözləyək. Yoldaşıma dedim pulu versin. Yenə iki ay çəkdi. Axırıncı dəfə dedim denən pulu qaytarsın. Təxminən 20-gün, bir ay olar pulu verib. Əvvəllər aralarında heç bir problem olmayıb. Qohumuq, əmimoğlunun yoldaşıdır” Qeyd edək ki, hadisə zamanı Zülfiyyə Musayeva Fatma Musayevaya boğaz nahiyəsinə kəsici alətlə zərbə vuraraq sonuncunu qətlə yetirdiyi bildirilir.