Qondarma "Dağlıq Qarabağ" prezidenti illər sonra etiraf etdi - "Azərbaycan müharibə etməyə hazırdır, döyüşlər ikinci dəfə təkrarlana bilər"

Təmas xəttində artan gərginliyə baxmayaraq, Xankəndində olan erməni rəsmiləri yeni müharibə ehtimalı barədə Beynəlxalq Böhran Qrupunun (International Crisis Group) ekspertlərinin nəticələri ilə razı deyil. GoldNews.Az xəbər verir ki, Beynəlxalq Böhran Qrupu (International Crisis Group) bütün ölkələrdəki müharibə vəziyyətini nəzarətdən keçirir və bu yaxınlarda 40 ölkə barəsində hesabat verib. Hesabatda Dağlıq Qarabağda baş verən hadisələr haqqında açıqlama da öz əksini tapıb.

Qondarma "Dağlıq Qarabağ"ın respublikasının prezidenti David Babayan bütün bu fikirlərin sadəcə ekspertlərin məlumatı olduğunu və bitərəfli çatdırıldığını müsahibəsində qeyd edib.

Babayan söyləyib ki, keçən il baş verən Aprel döyüşləri, 4 günlük müharibə, bütün bunlar onu göstərir ki, Azərbaycan müharibə etməyə hazırdır, lakin bu müddət ərzində çoxlu itkilər baş verib. Buna görə də yeni bir müharibənin başlanmasına şərait yoxdur.

Regional Araşdırmalar Mərkəzinin rəhbəri Riçard Kirakosyan da Beynəlxalq Böhran Qrupunun proqnozları haqqında fikirlər səsləndirib. O, söyləyib ki, yeni müharibə mümkündür.

Kirakosyan qeyd edib ki, aprel döyüşləri ikinci dəfə təkrar edə bilər.

Kirokasyan əlavə edib ki, erməni və Azərbaycan müharibəsi haqqında hesabat vermək vacibdir. Bu hesabatda aydın olub ki, Azərbaycan bir neçə ildən sonra müharibəyə tam hazır vəziyyətdə olacaq: "Azərbaycanda bu il İslam Oyunlarının, Formula 1-in keçirilməsi Azərbaycanın inkişafına, çiçəklənməsinə səbəb olub. Ona görə də növbəti günlərdə hücum gözlənilmir, amma yayın sonu, payızın əvvəli təhlükə gözlənilir”.

Politoloq Aleksandr İskandaryan da proqnozlara öz mövqeyini bildirib: “Bütün bunların hamısı onu göstərir ki, yeni müharibənin başlanması qaçınılmazdır, lakin müharibə və gərginlik ayrı anlayışlardır. Müharibənin başlanmasına digər şərtlər, digər resursları, qərarların qəbulu təsir göstərir .Müharibə bahalı olacaq, gərginlik mümkündür, lakin ciddi heç bir şey olmayacaq. Azərbaycan Aprel qarşıdurmalarından əvvəl və son 5-6 ildə 20-30 milyard sərf edib".

O qeyd edib ki, əgər Azərbaycan müharibə etmək istəsəydi, Aprel döyüşləri zamanı müharibə elan edərdi.

Politoloq son olaraq bildirib ki, “gərginlik və qarşıdurmaların yaranmasına şərait var, lakin yeni bir müharibənin başlanmasına ehtimal yoxdur”.