Ərinin yanında diri-diri basdırıblar - FOTO

Ukraynanın Ternopol vilayətindəki Petrikov kəndinin yaxınlığında bürünc dövrünə aid məzar tapılıb. Məzarda qadın və kişi dəfn olunub.

Mütəxəssislərin fikrincə, 3 min il yaşı olan məzarda qadın diri-diri basdırılıb. Qədim inanclara görə, həmin qadın əbədiyyətə son yolda ərinin yanında olmalı idi.

Məzarda skeletlərin vəziyyəti çox maraqlıdır. Ərinin yanına uzanmış qadın ərini qucaqlayıb və üzünü onun üzünə tərəf çevirib.

Alimlər hesab edirlər ki, qadın zəhər içəndən sonra məzara düşərək ərini qucaqlayıb.

Ərlə arvad bürünc zinət əşyaları ilə bəzənmişdilər. Məzarda boşqab, kiçik küp və üç çömçə də vardı.

Ukraynalı arxeoloqlar İsidor Şaraneviç və Mixail Qruşevskinin dediklərinə görə, bu məzar Lvov vilayətinin Brodı şəhərinin yaxınlığındakı Vısotskoe kəndinin yaxınlığındakı məzarlığın təkrarıdır.

"Öləndən sonra cəsədləri bu formada basdırmaq mümkün deyil. Qadın könüllü olaraq həyatla vidalaşıb. Əri öləndən sonra qadın yaşamaq istəməyib. Bu qərar intihar və ya qorxaqlıq aktı deyildi. Hesab edirik ki, qadın o dünyada da ərinin yanında olmaq istəyib və bu, sevgidən qaynaqlanır", - İ.Şaraneviç deyib.

milli.az