İki övladını diri-diri yandıran qadının dəhşətli etirafları: "Ona görə öldürdüm ki..." - FOTO

Bütün Rusiyanı ayağa qaldıran hadisə Nijni Novqorodda meydana gəlib.

GoldNews.Az xəbər verir ki, may ayı üçün tətil paketi alan ana 4 yaşlı qızı Cəmilə və 2 yaşlı oğlu Süleymanı öz əlləri ilə boğaraq öldürdükdən sonra meyitlərini yandırıb.

5 il öncə evlənən və daha sonra boşanan Yelena Kərimova övladlarını tək başına böyüdüb. Qadın ailəsinə qohumlarının maddi yardımı ilə baxıb. Bir həftə öncə ərəb ölkələrindən birinə 2000 manata özünə tətil paketi alan qadın uşaqlarını kimə verəcəyi problemi ilə qarşılaşıb.

Yeni bir həyata başlamaq qərarı verən Yelena iki uşağını da özü ilə apararaq şəhər kənarına gedib. Avtomobilin arxa oturacağında oturan övladlarını öz əllərini ilə boğan qadın öncə meyitləri meşədə yandıraraq yox etmək istəyib, ancaq həddindən artıq çox tüstü çıxdığını gördükdən sonra yarı yanmış meyitləri yenidən maşının baqajına yerləşdirib.

Yolda, Osinki kəndi yaxınlarında tarlaların birində samanlıq tapan Kərimova qorxulu planını burda da davam etdirib. Övladlarının yarı yanmış cəsədlərini samanlığa sürüyən Yelena körpələrin üzərinə benzin tökərək onları ikinci dəfə yandırıb.

28 aprel axşamı Yelena törətdiyi cinayəti ondan uşaqlarını soruşan şəxslərə anladıb. O aparıldığı polis bölməsində törətdiyi əməli soyuqqanlı şəkildə boynuna alıb.

Məhkəmə tərəfindən həbs olunan Yelena bunları deyib: "Uşaqlarıma baxa bilmirdim. Onlara yaxşı bir gələcək verə bilməyəcəyimi bildiyimə görə öldürərək xilas olmaları üçün plan qurdum".

Cinayətkarın insanların hücumlarına məruz qalmaması üçün hansı həbsxanaya göndərildiyi gizli saxlanılıb.

Yelena Kərimovanı tanıyan dostları isə baş verənlərə inana bilmədiklərini qeyd ediblər. Bir çox dostu, "O uşaqlarını çox sevirdi. Hər gün onlarla çəkdiyi şəkilləri bizimlə paylaşırdı. Bu hadisəni törədərkən ağlının yerində olmasında şübhəmiz var" şəklində ifadə veriblər.