Ölüm xəbəri yayılan Könül Xasıyeva: "Ölüm xəbərimə görə anamla qardaşım ..."

Ötən gün ölüm xəbəri yayılan xalq artisti Könül Xasıyeva əsəbiləşib. "Hər şey daxil” verilişinə zəng edən müğənni xəbəri yayan saytları məhkəməyə verəcəyini deyib: "Yenə mənim ölüm xəbərimi yazıblar. Atam-anam Şəkidə narahat olublar. Anamın təzyiqi qalxıb. Qardaşlarım, bacılarım, qohum əqrəbalarım, sənət yoldaşlarım hamısı narahat olublar. Artıq bu ikinci dəfədir ki, belə edirlər. Mən nə qədər səbr sahibi olsam da, artıq vəkilimlə danışmışam. Hüquqi cəhətdən bu işə baxılacaq. 82 yaşlı anam, 47 yaşlı qardaşım bu ölüm xəbərindən sonra xəstəxanalıq olub. Qardaşımın övladı 11-ci sinifdə oxuyur, səhər tezdən mənə zəng edib. İkinci dəfədir telefonu götürüb özüm özümə başsağlığı oxuyuram. İnsan bir yerə qədər dözür”. /// Axşam.az