Mərkəzi Bankdan sevindirən AÇIQLAMA

Azərbaycan Mərkəzi Bankının (AMB) sərəncamında olan rəsmi valyuta ehtiyatların həcmi açıqlanıb.

AMB-dən GoldNews.Az-a verilən məlumata görə, Mərkəzi Bankın valyuta ehtiyatları 2018-ci il aprel ayının 1-nə 5 mlrd. 508 mln. ABŞ dolları təşkil edib. Bu da ötən ilin müvafiq dövrü ilə müqayisədə 1 mlrd. 75,3 mln. dollar və ya 24,26% çoxdur. Mart ayı ərzində isə Mərkəzi Bankın valyuta ehtiyatları 120,7 mln. dollar və ya 22,4% artıb.

Bundan başqa, mart ayında Azərbaycanda pul bazası da artıb.

Belə ki, ötən ay Azərbaycanda pul bazası 290,4 mln. manat və ya 3,16% artaraq 9 mlrd. 471 manat olub.

Son 1 ildə ölkədə pul bazası 2 mlrd. 193,5 mln. manat və yaxud 30,14% artıb.