İranda qan su yerinə axır, yüzlərlə adam həbs edilib - FOTO

İranda bir neçə gün öncə başlayan etiraz aksiyaları tam şiddəti ilə davam edir.

GoldNews.Az Sputnik Azərbaycan-a istinadən bildirir ki, ölənlərin sayı da durmadan artır.

İran dövlət televiziyası son gün ərzində daha 9 nəfərin öldüyünü açıqlayıb. Beləliklə, etiraz aksiyaları başlayandan bu yana ölənlərin sayı 22 nəfərə çatıb. Etiraz aksiyalarının artıq hərbi hissələrin və polis idarələrinin qarşısında da davam etdiyi vurğulanır.

Tehran valiliyi təkcə yanvarın 1-də 100 nəfərin tutulduğunu açıqlayıb. Bununla da, həbs edilənlərin ümumi sayı 450 nəfərə yüksəlib.

İran prezidenti Həsən Ruhani dünın axşam televiziya çıxışında etiraz aksiyası iştirakçılarının hamısının xaricdən əmr alması xəbərinə etiraz edib. O, hər etirazçının xaricdən əmr almadığını, bir qrup insanın fikirlərini bildirmək və problemlərini bölüşmək üçün küçəyə çıxdığını qeyd edib: "Etirazçıları küçəyə çıxaran təkcə iqtisadi durum deyil. İnsanlar daha böyük azadlıq istəyirlər".

Bu arada, son günlər susqunluğunu davam etdirən İranın ali dini lideri ayətullah Əli Xamneyinin bu gün çıxış edəcəyi gözlənilir.