Estetik həkimin hesabını oğurladılar, qadınları çılpaq fotoları ilə şantaj etdilər

Oğrular pul qazanmaq üçün bu səfər fərqli yola əl atıblar.

GoldNews.Az xəbər verir ki, məşhur estetik həkim Hüseyn Tirmanın hesabını oğurlayıb, izləyicilərini aldadıblar. Qadınlardan cinsi nahiyələrinin fotolarını istəyən oğrular onlardan ələ keçirdikləri şəkillərlə həmin qadınları şantaj ediblər.

Tirmanın izləyiciləri arasında yer alan qadınlardan bəziləri bu tələyə düşüb. Əlil olan qadın başına gələnləri belə danışıb:

"Sinəni əməliyyat edək dedi. Məndən üzüm görüləcək şəkildə sinəmin şəklimi atmağımı istədi. Mən də həkim olduğu üçün güvənib şəklimi atdım. Daha sonra genital nahiyəmin şəklini istədi. Daha sonra da ayaqlarımın şəklini istədi. Və sonra da məni "Gözlə, bax indi səni necə biabır edəcəyəm. Ya mənə 11 min türk lirəsi pul verəcəksən, ya da bu şəkilləri bütün dostlarına göndərəcəyəm" şəklində təhdid edib".

Həkim Hüseyn Tirman isə izləyicilərini və xəstələrinə xəbərdarlıq edərək "Biz sosial mediadan yalnız gördüyümüz işlərlə bağlı insanlara məlumat vermək məqsədilə istifadə edirik. Sosial mediada kimsənin şəxsi fotosunu istəmirik. Müayinə əllə və onun qarşılığında bir sıra vasitələrlə üzbəüz olduqda həyata keçirilir. Şəkilə baxaraq nəticə vermək və ya diaqnoz qoymaq mümkün deyil. Xüsusilə, şəkillərini göndərən və tələb edən xəstələrimizi də geri çeviririk" şəklində danışıb.

Prokurorluq məsələ ilə bağlı araşdırma başladıb.