Dost bildiyimiz ölkə Ermənistanda yalançı "soyqırım" abidəsinin önündə BAŞ ƏYDİ

Birləşmiş Ərəb Əmirliyi Türkiyənin Qətərə verdiyi dəstəkdən sonra yeni işbirliyinə imza atıb.

GoldNews.Az xəbər verir ki, BƏƏ-nin xarici işlər naziri Şeyh Abdullah bin Zayed sözdə erməni "soyqırımı" olaraq adlandırılan abidəni ziyarət edərək önünə çələng qoyub. Nazir həmçinin abidə önündə baş əyib və öz hörmətini nümayiş etdirib.

Əlbəttə ki, BƏƏ-nin xarici işlər nazirinin bu addımı siyasi ismarıc göndərir.

Qətərə qarşı atılan addımlarda Türkiyənin rolu Səudiyyə Ərəbistanı və BƏƏ-ni narahat edib. İki ölkə də bu narahatlığını açıq şəkildə dilə gətirib. Fəqət Ermənistanda "soyqırım" olaraq adlandırılan abidənin önündə baş əyməsi iplərin təxminən tamamilə qopduğu mənasına gəlib.

Sözsüz ki, BƏƏ-nin rəsmi səviyyədə Ermənistana olan yaxınlığını nümayiş etdirməsi Azərbaycanla olan münasibətlərin də bir daha nəzərdən keçiriləcəyini düşündürüb.