DİQQƏT! AZAL bu istiqamətlərə uçuşların vaxtını dəyişdi

“Azərbaycan Hava Yolları” (AZAL) QSC Bakıdan Moskva, Bağdad və Bodrum istiqamətində bu gün yerinə yetiriləcək reyslərin cədvəlində dəyişikliklər edib.

Bu barədə GoldNews.Az-a AZAL-ın mətbuat xidmətindən məlumat verilib.

Dəyişikliyə əsasən, J2 852 Bakı-Moskva reysi 10:40-dan 17:00-a, J2 5011 Bakı-Bağdad reysi 19:00-dan 01:00-a (növbəti gün), J2 023 Bakı-Bodrum reysi isə 10:00-dan 14:00-a keçirilib. Əks istiqamətlərə uçuşlarda da dəyişiklik var.

Belə ki, J2 851 Moskva-Bakı reysi 14:50-dan 20:10-a, J2 5012 Bağdad-Bakı reysi 22:45-dan 03:45-ə (növbəti gün) və J2 024 Bodrum-Bakı reysi 14:15-dən 18:15-ə keçirilib.