"BakuBus"da daha bir qalmaqal - Sərnişin sürücünü TƏHQİR ETDİ - VİDEO

Bakıda gediş haqqını ödəməyən sərnişin avtobus sürücüsünü təhqir edib. Söhbət 175 saylı marşurt avtobusundan gedir. Baş verənlər avtobusda quraşdırlan təhlükəsizlik kamerasına düşüb. Artıq məsələ ilə bağlı polisə də müraciət olunub.

Sərnişin avtobusa ödəniş etmədən minir. Sürücü isə mikrafonla ona ödəniş etməsi üçün xəbərdarlıq edir.

Buna məhəl qoymayan sərnişin sürücüyə tərəf hücum edərək, onu nalayiq sözlərlə təhqir edir.

Hadisə Paytaxtda Səməd Vurğun Parkının qarşısından Hövsan qəsəbəsi istiqamətinə hərəkət edən 175 saylı marşurt avtobusunda baş verib. Ətrafdakı sərnişinlər də məsələyə müdaxilə edir, amma həmin şəxs avtobusdan düşmür. Bundan sonra sürücü yaxınlıqdakı xətt dispetçerini dəvət etmək üçün avtobusu tərk edir.

Hadisə yerinə polis əməkdaşlarının çağrıldığını görən həmin sərnişin dərhal avtobusu tərk edir. Məsələ ilə bağlı ''Baku Bus'' MMC-dən "XəzərXəbər"ə bildirildi ki, artıq bu sərnişinin cəzalandırlması üçün hüquq mühafizə orqanlarına müraciət olunub.