Azərbaycanlı müğənnidən bayrağımıza qarşı hörmətsizlik- FOTOLAR
Məşhur azərbaycanlı müğənni Orxan Babazadənin bayrağımıza qarşı hörmətsizliyi hiddət doğurub.
GoldNews.az xəbər verir ki, özünə yeni biznes quran müğəninin şəxsi ofisindəki masanın üzərinə Azərbaycan bayrağını tərsinə asması kəskin etiraza səbəb olub.
Belə ki, "Lux Cars" adlı avtosalon açan müğənni ofisində çəkilmiş fotoları paylaşıb. Görünür müğənnimiz hələ də 3 rəngli bayrağımızın üzərindəki rənglərin hansı ardıcıllıqda yerləşməsindən xəbərsizdir.
Xatırladaq ki, Azərbaycan Respublikasının Dövlət bayrağı bərabər enli üç üfüqi zolaqdan ibarətdir. Yuxarı zolaq mavi, orta zolaq qırmızı, aşağı zolaq yaşıl rəngdədir və qırmızı zolağın ortasında bayrağın hər iki üzündə ağ rəngli aypara ilə səkkizguşəli ulduz təsvir edilib. Bayrağın eninin uzunluğuna nisbəti 1:2-dir
