“WhatsApp”ınız təhlükədə - Mesajlarınız asanlıqla oxuna biləcək
“WhatsApp” bu səfər təhlükəli funksiyası ilə qarşınızdadır.
GoldNews.Az xəbər verir ki, artıq “WhatsApp”da mesajlarınız gizli qalmayacaq. Tətbiq marketlərində yer alan bir proqram sayəsində “WhatsApp”dakı məlumatlarınız ələ keçirilə bilər.
“WhatsApp for Whatscan” adlı proqram WhatsApp Web tətbiqinin QR kodunu istifadə edərək çalışır və özünü bir kompüter kimi tanıdır. Bunun sayəsində PC sahiblərinin bütün yazışmalarını da əldə edə bilir. Yalnız Android variantı olan proqram “WhatsApp” Web sifarişçisinin QR kodunu istifadə edərək özünü kompüter kimi göstərir.
Bu tətbiq “WhatsApp” proqramını son dərəcə uğurla təqlid edərək digər “WhatsApp” orijinal variantlarına mesaj ata bilər.
Sözügedən proqram saniyələr içərisində telefonları ələ keçirə və bütün “WhatsApp” mesajlarını özünə köçürə bilər.
Mesajları fərqli bir telefona köçürən və başqa telefonlardan fəal olaraq mesaj atılmasına icazə verən tətbiq beləliklə, bütün mesajlarınızı silə, başqalarına da göndərə bilər.
Bu proqrama qarşı şirkət yeni bir tədbir görəcək.
