Prezidentin qızı sinəsini açdı, ölkə qarışdı - FOTOLAR

Qırğızıstan prezidenti Almazbek Atambayevin kiçik qızı Aliya Şaqiyevanın sosial şəbəkədə paylaşdığı foto böyük səs-küyə səbəb olub.

GoldNews.Az xəbər verir ki, Şaqiyeva "facebook"da uşaq əmizdirərkən çəkilən fotosunu paylaşıb. Sinəsi açıq uşağını əmizdirərkən çəkilən fotoya istifadəçilər “siz axı prezident qızısınız, sinəni belə açmaq olmaz” kimi şərhlər yazıblar.

Prezidentin qızı isə sosial şəbəkədə həmin fotosunu paylaşaraq onu tənqid edənlərə cavab verib:

“Bu paylaşımda mən iki səhvdən biri ilə bağlı düşüncələrimi bölüşmək istəyirəm. Birinci səhv: qadın sinəsinin seksuallaşdırılması. İkinci səhv: valideynləri yüksək vəzifə tutan insanların diskriminasiyası.

Qadın sinəsi uşağı əmizdirmək kimi vacib funksiyası olan bədənin bir hissəsidir və heç bir halda seksual obyekt deyil. Qadın sinəsi çoxlarımızın hesab etdiyi kimi vulqarlıq və ədəbsizlik predmeti deyil. Qadın sinəsinin ədəbsizlik və sekslə əlaqəli olmasına dair bizi uzun zamandır ki, inandırmağa çalışırlar. Bu ideya kinemotoqrafiyada, ədəbiyyatda, reklam industriyasında da təbliğ edilir.

Cəmiyyət sinəni seksuallıq, cəlbedicilik predmetinə çevirir, sonra da plastik həkimlərə müraciət edən qadınları qınayırlar.

Cəmiyyət deyir ki, analıq gözəldir, lakin süd verən qadına baxanda “fu, necə də utanmır” deyir. Qəribədir, deyilmi?.

Burada günahkar yoxdur. Bu, dar çevrədir, hər kəs özündən başlamalıdır, öz düşüncəsindən. Və mən belə də edirəm”.