Mərhum prezidentin qızı həbsxanadan tapıldı

Özbəkistanın mərhum prezidenti İslam Kərimovun böyük qızı Gülnarə Kərimovanın yeri bilinib.

GoldNews.az “Ölkə.Az”-a istinadan xəbər verir ki, Gülnarə Kərimova Özbəkistan ərazisindəki həbsxanaların birində cəzasını çəkir. Bu barədə Özbəkistanın baş prokuroru Erkin Yuldaşev məlumat verib:

“Gülnarə Kərimova məhkəmənin təyin etdiyi cəzasını Özbəkistan ərazisindəki həbsxanada çəkir”.

Qeyd edək ki, 2015-ci ilin avqust ayında Gülnarə Kərimova korrupsiyada ittiham olunaraq 5 il müddətinə azadlıqdan məhrum edilib. 2017-ci ildə Kərimovanın Özbəkistana 2 milyard dollar ziyan vurduğu məlum olub.