Heydər Əliyevin əfsanəvi cangüdəni bu gün yubileyini qeyd edir - FOTO

Bu gün Heydər Əliyevin əfsanəvi cangüdəni Müşfiq Mədətovun 50 yaşı tamam olur. Ümummilli liderin Naxçıvanda keçirdiyi həyatının ən ağır illərində M.Mədətov onun yanında olub.

M.Mədətov – özünəməxsus təbiətə malik insandır. Ola bilsin ki, xarakteri birmənalı deyil, amma o, Azərbaycanı ülvi məhəbbətlə sevir. Biz onu şərəf işinə sadiq insan kimi tanıyırıq. Həyat Müşfiqi çox bərkə-boşa salıb və dəfələrlə sınağa çəkib, lakin o, simasını və insanlıq ləyaqətini qoruyub saxlaya bilib.

Müşfiq Mədətovu 50 illiyi münasibətilə səmimi qəlbdən təbrik edir, ona uzun və xoşbəxt həyat arzulayırıq.