Ehtiyyatlı olun! “Stress çarxı” üzündə partladı
Son zamanların ən məşhur oyunlardan biri olan “Stress çarxı” uşağın üzündə partlayıb.
GoldNews.Az xəbər verir ki, indi çox məşhur olan və xüsusilə, uşaqlar tərəfindən istifadə olunan “stress çarxı” diqqət əksikliyi və autizm problemi olan uşaqlar üçün yaradılıb. Lakin sonra bu oyun çarxı nəinki uşaqlar, həm də böyüklər tərəfindən böyük bir maraqla qarşılanıb.
Amerikada yaşayan Con Harris adlı ata “stress çarxı” ilə oynayan oğlu Lanın başına gələn hadisəni sosial şəbəkədə paylaşıb. Ata söyləyib ki, Lan stres çarxı ilə oynayırdı, çarxı daha sürətli çevirə bilmək üçün çarxa üfürüb və nəticədə çarx partlayıb və onun parçaları uşağın üzünə gəlib.
Bu hadisədən sonra dərhal xəstəxanaya çatdırılan uşağın üzünə xaricdən 27, daxildən isə 30 tikiş atılıb.
John Harris sosial şəbəkədən valideynlərə səslənib və onların diqqətli olmasını söyləyib.
