Barmaqlarımıza taxdığımız üzüklər hansı mənanı ifadə edir? -ARAŞDIRMA

Qiymətli metallar, yaxud həqiqi olmayan zinət əşyaları ilə barmaqlarımızı parıltılı etməyi xoşlayırıq. Bunu bəzən təkcə qadınlar yox, kişilər də edir.

GoldNews.Az xəbər verir ki, vərdiş halına gətirilmiş adsız barmağımıza taxdığımız üzük evliliyin, sevginin simvolu kimi bilinir. İnsanların əksəriyyəti isə öz geyim tərzlərinə uyğun müztəlif üzüklər taxırlar. Bəziləri üçün bu, sadəcə bir simvoldur, bəzilərinə görə isə heç bir mənası yoxdur. Psixoloqlar isə qeyd edirlər ki, bu üzüklərin sahibləri ilə birbaşa əlaqəsi var. Müxtəlif barmaqlara taxılmış hər bir üzüyün tarixçəsi var. Necə ki, müasir dövrdə evlənən zaman sevgini özündə biruzə verən toy üzükləri taxılır.

Üzük baş barmaqda

Baş barmaq Mars planetinin göstəricisidir. Baş barmağa taxılmış üzüklər daha çox diqqət çəkir, əsasən da kişilər taxdıqları zaman. Bu, üzüyün sahibinin çox enerjili olduğunu göstərir. Onlar çox tərs olurlar. Nəyisə başa salmaq üçün onlarla mübahisə aparmaq lazımdır. Bu şəxslər özlərini çox gözəl qiymətləndirə bilirlər. Onlar adətən cazibədar insanlar olurlar. Həmin şəxslərlə dil tapmağa çalışmaq lazımdır. Cinsi əlaqəni də yaxşı qura bilirlər. Baş barmaqda olan üzük lezbiyanlığın da göstəricisidir. Lezbiyanın sağ baş barmağında olan üzük tanışlıq verir, sol baş barmağında olan üzük isə lezbiyan yoldaşının olduğunu göstərir. Buna görə də qızlar, baş barmağınıza üzük taxanda diqqətli olun, sizi səhv başa düşə bilərlər.

Üzük işarət barmağında

İşarət barmağında olan üzük Yupiterin göstəricisidir. Bu barmaq gücü göstərir. Yuli Sezar, Rişel, İvan Qroznı kimi şəxsiyyətlər işarət barmaqlarına üzük taxıblar. Sağ işarət barmağında olanda gücü, iftixarı, həmçinin çətin xarakteri, sol barmaqda olanda isə əzəməti, qüruru ifadə edir.

Astroloqlar söyləyiblər ki, işarət barmağına üzüyü taxan insanlar özlərinə güvənmirlər, utancaqdırlar. Bu üzük sayəsində isə Yupiter ilə əlaqə qurulur və onlar daha güclü olurlar. Həm də onlara həyatda şans və uğur gətirir. Əsasən də bu üzük qızıldan olanda daha yüksək enerji verir.

Üzük orta barmaqda

Orta barmaq Saturnun göstəricisidir. Bu barmaqda üzüyü daşıyan şəxslər sevgi dolu, özlərinə inancları tam və ətrafdakıları valeh edə bilən enrjiyə sahib olurlar. Onlar tale anlayışına inanırlar. Bu üzüyün sayəsində onlar bəxtləri ilə mübarizə aparırlar. Həmçinin orta barmaqda olan üzük mənəvi təcrübə ilə məşğul olan insanlar üçün tövsiyə edilir. Bu həm də fatalizmin yüksək dərəcədə olduğunun göstəricisidir.

Üzük adsız barmaqda

Adsız barmaq Günəşin simvoludur. Sağ barmaqda olan bu üzük ailəli olduğumuzu göstərir. Günəş insanların birlikdəliyini, sevgisini möhkəmləndirir. Bu adət qədim dövrlərdən qalmadır. Bu barmağa üzüyü taxan insanların incəsənət adamı olduğu görünür. Bu üzüyün aktyorlarda, modellərdə, rəssamlarda olması vacib bir haldır. Həm də romantik və xəyalpərəst təbiətə sahib insanlar adsız barmağa üzük taxırlar. Bu üzüyü taxanlar sakit, özlərinə güvənən insanlardır. Günəşin simvolu olduğuna görə bu barmağa üzük taxan insanlar enerjini də özlərində həbs edə bilirlər.

Üzük çeçələ barmaqda

Çeçələ barmaq Merkuri planetinin ifadəçisidir. Bu barmağa üzüyü daha çox iş adamları, həkimlər, siyasətçilər taxır. Bu üzüyü taxan insanlar bütün insanlarla ortaq dil tapa bilirlər. Çeçələ barmağa üzüyü taxan qadınlar xəyanətə meylli olurlar. Bu üzüklər əmin-amanlıq, hətta fərdi tendensiya yaratmaq üçün nəzərdə tutulub.

Üzük ayaq barmaqlarında

Psixoloqlar qeyd ediblər ki, üzüyü ayaq barmaqlarına taxan insanlar onlara fikir verilməsinin tərəfdarıdırlar. Bəzi hallarda bu, başqaları üzərində üstün gəlmək arzusu kimi göstərilə bilər.