Kişilərin ətri qadınlara belə təsir edir - ARAŞDIRMA

Kanadada yerləşən British Kolumbia Universiteti cütlüklərdə kişinin ətrinin qadınlardakı stressi azalda bildiyini ortaya qoyub.

GoldNews.Az xəbər verir ki, sağlamlıq sahəsində araşdırmalar aparan MedXpress araşdırmanın nəticələrini təqdim edib. Tədqiqata 96 cütlük qatılıb. Öncə kişilərə 24 saat boyunca geyinməli olduqları təmiz köynəklər verilib və parfüm, dezodarant kimi ətirlərdən istifadədə etməmələri, siqaret çəkməmələri və aromatlı qidalar yeməmələri istənilib. Bir gün sonra bu geyimlər üzəridəki qoxular daha yaxşı saxlanılsın deyə dondurulub.

Daha sonra araşdırmaya qatılan qadınlardan öz partnyorlarının və başqa kişilərin geyinmiş olduqları geyimləri qoxlamaları istənilib. Ardınca xanımlar stress testindən keçiblər.

Əldə edilən nəticələr ortaya qoyub ki, öz partnyorlarının köynəyini qoxlayan qadınlardakı stress hormonu - Kortizol səviyyəsi daha aşağıdır. Başqa bir nəfərin köynəyini iynəyən qadınlarınsa digər həmcinslərinə görə stressli olduqları təsbit edilib.

Videoyu Oynat