Sağa tərəf yoxsa sola tərəf yatmaq daha sağlamdır? - ARAŞDIRMA

Yuxu insanın sağlamlığı və gündəlik fəaliyyəti üçün çox önəmli faktordur.

GoldNews.Az xəbər verir ki, yataqda olarkən hansı böyrü üstəyatmağımız individualdır. Bəs, sağa, sola, belüstü, yoxsa ağızüstü yatmaq daha yaxşıdır?

Sol tərəfə yatmaq

Sol tərəfi üstə yatmaq yerin cazibə qüvvəsinin yaratdığı təsirə görə, həzm sistemini asanlaşdırır. Bu formada yatdığımız zaman mədəmizdə qalan qida qalıqları qalın bağırsaqdan enən sütuna asanlıqla keçir.

Həkimlər hamilə qadınlara sol tərəfi üstə yatmağı məsləhət görürlər. Çünki bu, sağlam şəkildə qan dövranını təmin edir. Əlbəttə bu ancaq hamilə qadınlar üçün keçərli deyil. Sol tərəfə yatmaq ürəyimiz üzərində olan təzyiqi azaltdığı üçün sağlamlığımız üçün olduqca faydalıdır.

Sol tərəfə yatmaq hamilə qadınlar üçün yalnız qan dövranını tənzimləmir, eyni zamanda belin üzərinə düşən ağrını və ana rəhminin qaraciyəri sığışdırmasının qarşısını alır. Böyrəklərə gedən qanın miqdarını artırır. Daha rahat şəkildə yatmağınızı təmin edir.

Sol tərəfə yatmaq xroniki bel ağrılarından əziyyət çəkən şəxslərə də tövsiyə edilir. Bu şəkildə yatmaq onurğa üzərindəki yükü azaldır.

Üzüstü yatmaq ən təhlükəli pozadır. Bu cür yatmaq onurğa ətrafındakı bağların və əzələlərin gərilməsinə, onurğadan sinirlərin çıxdığı deşiklərin yığılmasına səbəb olur. Bu da onurğa üzərinə yük verir. Bütün bunlar isə bel və boyunda əyriliyin artması ilə bağlı olaraq onurğada zədələnmələrə səbəb olur.

Belüstə yatmaq vücud ağırlığımızın tarazlığına səbəb olur. İç orqanlarımızı eyni səviyyədə saxlayır. Belüstü yatarkən belinizin daha rahat olmağını istəyirsinizsə, ayaqlarınızın altına yastıq da qoya bilərsiniz.Əsasən xoruldamağa meyilli olan kəslər bu cür yatırlar.

Hər hansı bir tərəfə yatdıqda burun deşiklərimizdən ancaq biri açıq olur və nəfəs alıb-vermə prosesi də həmin açıq burun dəliyi vasitəsilə davam edir.