Rayon qeydiyyatında olanlar Bakıda sosial mənzil ala bilərmi? - AÇIQLAMA

“Sosial mənzil almaq istəyən şəxs Tərtər rayonunda yaşayırsa və Bakıda mənzilə müraciət etmək istəyirsə, o zaman burada heç bir məhdudiyyət olmayacaq”

GoldNews.Az xəbər verir ki, bunu tanınmış iqtisadçı ekspert Vüqar Bayramov rayon qeydiyyatında olanların sosial mənzillərə müraciət hüququn olub-olmamasını şərh edərkən deyib.

İqtisadçı bildirir ki, son günlər həm sosial şəbəkədə ünvanlanan mesajlarda, həm də digər formada müraciətlərdə rayonlarda qeydiyyatda olanların Bakıda inşa edilən sosial mənzillərə müraciət etmək hüququnun olub-olmaması soruşulur:

“Bildirmək istərdim ki, Azərbaycan qanunvericiliyində belə məhdudiyyətlər yoxdur və rayonda qeydiyyatda olan vətəndaşlarımız da sosial mənzil almaq üçün müraciət edə bilərlər. Məsələn, sosial mənzil almaq istəyən şəxs Tərtər rayonunda yaşayırsa və Bakıda mənzilə müraciət etmək istəyirsə, o zaman burada heç bir məhdudiyyət olmayacaq”.

Vüqar Bayramov onu da əlavə edib ki, güzəşti olan hər bir şəxs qeydiyyat yerindən asılı olmayaraq, Bakıda inşa edilən mənzillərə müraciət edə bilər. Xatırladım ki, müraciətlər gələn ayın 1-dən başlayır.