“Qarabağ” – “Samtredia” oyunundan sonra azarkeşlər vaqonları bu hala saldırlar - FOTOLAR
Ötən gün baş tutan “Qarabağ” – “Samtredia” oyunundan sonra azarkeşlər metronun "Gənclik" stansiyasından mindikləri vaqonlara ciddi maddi zərər vurublar. Bu barədə GoldNews.Az-a açıqlamasında Bakı Metropoliteninin mətbuat xidmətinin rəhbəri Nəsimi Paşayev açıqlama verib. Qurum rəsmisi fotolar yayaraq bildirib ki, bu şəkillər Bakı Metrosunun 1566 saylı vaqonundandır.
"Dünən bu qatar Həzi Aslanov - Dərnəgül xəttində 30 saylı marşrut üzrə hərəkət edirdi. Əsas vəzifəsi sərnişin, insan daşımaq idi. Amma və lakin "Qarabağ" futbol klubunun oyunundan çıxıb, "Gənclik" stansiyasında metroya minən bəzi "insanlar" ictimai istifadədə olan, hamımızın vergisi hesabına formalaşan, büdcə vəsaiti hesabına alınan vaqonu bu vəziyyətə salıblar. Əllərindəki bayraqların sopaları ilə vaqona və videomüşahidə kamerasına zərər veriblər".
Həmin fotoları təqdim edirik:
