Qarabağ qazisi Kamil Musəvi türkləri coşdurdu: "Ayağımı və gözümü Qarabağ üçün verdim, canımı Türkiyə üçün verməyə hazıram"

Gənc Qarabağ qazisi Kamil Musəvinin Türkiyənin Afrində apardığı əməliyyatlarla bağlı etdiyi çıxış sosial mediada rəğbətlə qarşılanıb.

GoldNews.az xəbər verir ki, gənc qazi bir ayağını və qolunu itirməsinə rəğmən, türk qardaşlarımızla birlikdə Afrində döyüşməyə hazır olduğunu bildirib.

"Mən bir türk oğlu olaraq, türk qardaşlarıma səslənirəm, canımın qalan yarı hissəsini də Türkiyə uğrunda fəda etməyə hazıram", -deyə Kamil Musəvi bildirib.

Qeyd edək ki, Qarabağ qazisi Kamil Musəvi döyüş tapşırığını yerinə yetirərkən bir ayağını və bir gözünü itirib. Xidməti vəzifəsini layiqincə yerinə yetirdiyinə görə "Vətənə Xidmət medalı" ilə təltif olunub. Yeniyetmə yaşlarından güləşin sərbəst növü ilə məşğul olub.

Məlumat üçün bildirək ki, Afrin əməliyyatı, Afrin hərəkatı və ya əməliyyatın şifrələnmiş adı ilə Zeytun Budağı hərəkatı - 2018-ci ilin 19 yanvar tarixindən etibarən Türkiyə Silahlı Qüvvələri tərəfindən Suriyanın şimalında yerləşən Hələb mühafəzəsinin daxil olduğu Afrin bölgəsinə doğru başladılmışdır. Əsas məqsədi ərazidəki PYD, YPG və PKK hökmranlığını aradan qaldırmaq və bölgəni təhdid edən "terrorçu" ünsürləri məğlub etməkdir.