Rusiya hərbi gəmisi Türkiyədə batdı - İstanbulda inanılmaz olay

Bu gün Qaradənizin İstanbula yaxın hissəsində, Kilyos adlanan ərazinin sahilində Rusiyaya məxsus hərbi gəmi batıb.

GoldNews.Az xəbər verir ki, döyüş gəmisi canlı heyvan daşıyan yük gəmisinə çırpılıb. Nəticədə hərbi gəmi suyun dərinliyinə enib. Hadisə yerinə gələn xilasedicilər və digər gəmilər 78 hərbçini ölümdən xilas edib. Lakin gəmini suyun üzərində saxlamaq mümkün olmayıb. Hadisədən dərhal sonra Türkiyənin baş naziri Binəli Yıldırım rus həmkarı Dmitri Medvedevə zəng edərək məyusluğunu ifadə edib.

İlkin məlumata görə, qəzaya əlverişsiz hava şəraiti səbəb olub.//Lent.az