Nihat Kərimovun növbəti döyüşü: rəqib “Tank” ləqəbli Samandar Reimbaev olacaq

Azərbaycanın qarışıq döyüş növləri (MMA) üzrə idmançısı Nihat Kərimov növbəti sınağına hazırlaşır. O, iyunun 13-də Özbəkistanın paytaxtı Daşkənddə baş tutacaq OCTAGON 87 turnirində rinqə çıxacaq.

Kərimovun rəqibi yerli idmançı, “Tank” ləqəbli Samandar Reimbaev olacaq. Döyüş Humo Arena-da keçiriləcək və tədbirin əsas qarşılaşmalarından biri kimi təqdim olunur.

Hazırda Nihat Kərimovun peşəkar karyerasında bir qələbə və bir məğlubiyyət var. Rəqibi Samandar Reimbaev isə iki dəfə qalib gəlib, iki dəfə uduzub. Öz ölkəsində çıxış edən Reimbaev sonuncu məğlubiyyətdən sonra yenidən uğur qazanmağa çalışacaq.

Gərgin və maraqlı qarşılaşmanın idman ictimaiyyətinin diqqət mərkəzində olacağı gözlənilir.