Hökümətdən ŞOK xəbərdarlıq: "Cinsi azlıq olan oğlunuzu öldürün, yoxsa biz öldürərik!"

Ötən günlərdə dünya mediasında Çeçenistanda homoseksualların xüsusi düşərgələrdə saxlanıldığı və onların burada işgəncəyə məruz qaldıqları barədə məlumatlar yer aldı.

GoldNews.Az xəbər verir ki, Çeçenistanın dövlət məmurları bu dəfə də homoseksual oğlanların ailələrinə müraciət edib. Dövlət adamları həmin ailələri oğlanlarını öldürməklə təhdid edib.

BBC-yə danışan Natalia Poplevskaya homoseksual olan və ya olduğu düşünülən kəslərin nəzarət altına alınaraq, Çeçenistanın paytaxtı Qroznının 20 km uzaqlığında yerləşən Arqun bölgəsindəki bir məntəqəyə aparıldığını və burada işgəncəyə məruz qaldıqlarını bildirib.

Fransız kanalı " France24" isə düşərgədən qaça bilənləri danışdırıb. Kanalın yayımladığı görüntülərdə düşərgədən qaçan və adını gizlədən bir nəfər Çeçenistan hökümətinin ailələrinə "Uşaqlarınızı öldürün, yoxsa bir öldürəcəyik. Namusunuzu qanla təmizləyin", -deyə xəbərdarlıq etdiyini bildirib.

Həmin şəxs həmçinin açıqlayıb ki, onların arasında olan bir homoseksual əvvəlcə düşərgədə döyülərək işgəncəyə məruz qalıb, daha sonra ailəsinə təslim edilib və qohumları tərəfindən öldürülüb: "Ailə oğullarını meşəyə apardı və orada öldürdü. Meşəyə basdırdılar. Yas mərasimi belə təşkil etmədilər. Əgər evə getsəm, mən də öldürülərəm".

Dünya liderləri Çeçenistanın bağlı olduğu Rusiya Federasiyasına bu mövzuda təzyiq etməyi planlaşdırır.

Almaniya kansleri Angela Merkel çərşənbə günü təşkil olunan mətbuat konfransında Rusiya prezidenti Vladimir Putinə "cinsi azlıqların haqqını qorumaq üçün səlahiyyətlərindən istifadə etməlidir", -deyə bildirib.