Enşteynin xanımına imzalatdığı məcburi müqavilə və maddələri - ARAŞDIRMA

Tarixin ən önəmli şəxsiyyətlərindən olan Albert Eynşteynin dünya üçün etdikləri danışdıqca bitməz.

GoldNews.Az xəbər verir ki, o, nasist Almaniyasında bir yəhudi olaraq yaşamağa çalışarkən qəfildən 1933-cü ildə Amerikayaya köçüb. Onun elmi bacarığı ilə bağlı çoxsaylı araşdırmalar aparılsa da, şəxsi həyatı əsasən gizli saxlanılıb.

Eynşteyn 1903-cü ildə Avstriya-Macarıstan vətəndaşı, serb bir varlı ailənin qızı Mileva Mariclə evlənib. Bu evlilikdən Hans Albert və Eduard adlı 2 uşağı olub. 1914-cü ildə onlar boşanma həddinə çatsalar da, uşaqlarına görə bu qərarlarından vaz keçiblər və əvəzində müqavilə imzalayıblar. Müqavilənin şərtləri isə bunlar olub:

A. Aşağıdakı maddələrdən məsuliyyətli olacaqsan:

1. Geyimlərimin saliqəli olmasından

2. Gündəlik 3 dəfə yeməyimi otağımda yeməyimdən

3. Yataq və iş otağımın səliqəli olmasından, xüsusilə də iş masamın məndən başqa heç kim tərəfindən istifadə olunmamasından

B. Cəmiyyətin tələb etmədiyi şərtlər olmadığı təqdirdə, mənimlə bütün şəxsi münasibətini kəsəcəksən. Xüsusilə aşağıdakıları tələb etməyəcəksən:

1. Evdə səninlə qalmağımı

2. Səninlə çölə və yaxud səyahətə çıxmağımı

3. Məndən hər hansı yaxınlıq gözləməyəcəksən, heç bir şəkildə şikayətlənməyəcəksən

4. İstədiyim anda mənimlə danışığını kəsəcəksən

5. İstədiyim anda yataq və iş otağımı şikayət etməyərək tərk edəcəksən

C. Uşaqlarımın qarşısında məni sözlərin və davranışlarınla alçaltmayacaqsan

Mileva Maric ərinin bu müqaviləsi ilə razılaşsa da, bir müddət sonra uşaqlarını da götürərək Sürixə köçüb. 5 il ayrı yaşadıqdan sonra ikili 1919-cu ildə boşanıb.

Eynşteyn 1919-cu ildə qohumu Elsa Eynşteyn ilə evlənib. Cütlük 1933-cü ildə Almaniyada yəhudilərə tətbiq olunan qərarlar ucbatından Amerikaya köçüb.