Rusiyada dəhşətli təyyarə qəzası: Sağ qalan yoxdur - VİDEO

Bu gün Moskvanın “Domodedovo” aeroportundan havaya qalxan “An-148” sərnişin təyyarəsi qəzaya uğrayıb.

GoldNews.Az Rusiya mətbuatına istinadən xəbər verir ki, göyərtəsində 65 sərnişinin və 6 heyət üzvünün olduğu təyyarənin qalıqları tapılıb.

Paytaxtdan Orska uçan “Saratov Hava Yolları” aviaşirkətinə məxsus sərnişin təyyarəsi Moskva ətrafında Ramensk rayonuna düşüb.

TASS agentliyinin yaydığı xəbərə görə, qəzaya uğrayan “An-148” təyyarəsində sağ qalanlar yoxdur.

Artıq təyyarəsinin qəzaya uğraması ilə bağlı cinayət işi açılıb. Bunu Rusiya İstintaq Komitəsinin rəsmi nümayəndəsi Svetlana Petrenko deyib.

Rusiya prezidenti Vladimir Putin hökumətə “An-148” təyyarəsinin Moskva ətrafında qəzaya uğramasının araşdırılması ilə bağlı tapşırıq verib.

Bundan başqa o, qəzada qohumlarını və yaxınlarını itirənlərə dərin hüznlə başsağlığı verib.