Faiq Ağayev çox sevdiyi mahnısını kimə hədiyyə edib? - FOTO, VİDEO

Xalq artisti Faiq Ağayevin illər öncə bağışladığı mahnı üzə çıxıb.

GoldNews.Az xəbər verir ki, hər şey 2013-cü ildə keçirilən “Sehirli pərdə” adlı mahnı müsabiqəsindən başlayıbmış. Müsabiqədə Xalq artisti Faiq Ağayevin musiqi qrupunda “Son söz” mahnısını ifa edən gənc müğənni Tural Babazadə yarışın sonlarına yaxın müsabiqəni tərk edir. Faiq Ağayev müsabiqədə fərqlənən 3 gənc ifaçıya müxtəlif hədiyyələr təqdim edir. Turalın payına isə “Son söz”ün aranjımanı düşür. Təbii ki, Xalq artisti mahnını bəyənmiş və ona yüksək qiymət verdikdən sonra bu qərara gəlmişdi. 2016-cı ildə isə Tural bu mahnını Esmira Məmmədova adlı gənc müğənni xanımla duet oxuyub. 2017-ci ildə isə Tural və Esmira dueti “Son söz”ü klip şəklində tamaşaçılara təqdim etmək qərarına gəliblər.

Qeyd edək ki, "Son söz" mahnısının sözləri və musiqisi elə gənc müğənni Tural Babazadəyə, aranjımanı isə Rübail Əzimova məxsusdur. Klipin rejissoru Elnur Əliyevdir.

Yeni mahnı üzərində işlədiklərini söyləyən Tural və Esmira, yaxın vaxtlar həmin mahnıya da klip çəkilişini planlaşdırıblar.

Beləliklə Xalq artisti Faif Ağayevin illər öncə bağışladığı mahnıya çəkilən klipi diqqətinizə təqdim edirik.