Bakı avtobuslarında qorxulu dəstə - Müqavimət göstərənlərə "lezva" atırlar - TƏFƏRRÜAT

Bakıda fəaliyyət göstərən avtobuslarda təzə cibgirlər peyda olub.

GoldNews.Az xəbər verir ki, şahidlərin Missiya.Az-a verdiyi xəbərə görə, cibgirlərə əsasən Xırdalan-Masazır istiqamətində hərəkət edən 119, 135, 525,199 nömrəli avtobuslarda rast gəlinir.

Üç nəfərdən ibarət olan cibgir dəstəsi sərnişinlərdən oğurluq etmək üçün xüsusi plan hazırlayırlar. Şahidlərin sözlərinə görə, oğrular qurbanlarını dövrəyə aldıqdan sonra niyyətlərini həyata keçirməyə çalışırlar. Onlar bu çılğın əməllərini görən sərnişinlərə qarşı xüsusi amansızlıqla yanaşırlar. Bu oğruların ən təhlükəli cəhəti isə ağızlarında «lezva» gəzdirmələridir. Oğurluqlarından xəbər tutub, müqavimət göstərən sərnişinləri ağızlarına yerləşdirdikləri «lezva» ilə qorxudurlar.

Hadisə şahidi oğruların əlamətlərini də deyib. Onun sözlərinə görə, cibgirlərdən ikisinin boyu hündürdür, biri isə orta boyludur. Oğrulardan ikisi eynək taxır. Ümid edirik ki, bu faktla bağlı hüquq-mühafizə orqanları lazımi ölçü götürəcəklər.