Azərbaycanda qalmaqallı məhkəmə sədri işə gedərkən öldü - FOTO

Azərbaycanda məhkəmə sədri vəfat edib.

GoldNews.az Femida.az-a istinadən xəbər verir ki, Göyçay Rayon Məhkəməsinin sədri Fərhad Əfəndiyev bu gün səhər saatlarında vəfat edib. İlkin məlumata görə, sədrin ölümünə səbəb ürək tutması olub.

Fərhad Əfəndiyev 1958-ci ildə anadan olub.

O, 1999 - 2000-ci illərdə Bakı Şəhər Prokurorluğunda mətbuat xidməti üzrə aparıcı mütəxəssis, 2000 - 2007-ci illərdə Gəncə Şəhəri Kəpəz Rayon Məhkəməsinin hakimi, 2007 - 2012-ci illərdə Mingəçevir Şəhər Məhkəməsinin sədri işləyib.

2012 -ci ildən Göyçay Rayon Məhkəməsinin sədri vəzifəsində işləyib.

Onu da qeyd edək ki, mətbuatda qalmaqallı məsələlərdə Fərhad Əfəndiyevin adına tez-tez rast gəlmək olurdu.