Abituriyentlər, DİQQƏT!!! İmtahanlarla bağlı YENİLİKLƏR BƏLLİ OLDU

KEÇİD BALLARINDA ARTIM MÜŞAHİDƏ OLUNACAQ

GoldNews.Az xəbər verir ki, A24.Az saytı təhsil eksperti Elçin Əfəndidən açıqlama alıb.

Elçin müəllim qəbul imtahanlarını tarixi bəllidirmi?

Bəli. Yay qəbul imtahanları II və III ixtisas qrupları üzrə qəbul imtahanı iyulun 14-də, I və IV ixtisas qrupları üzrə isə iyulun 22-də, V qrup və kolleclər üzrə isə 5 iyulda keçiriləcəkdir.

Yayda keçiriləcək qəbul imtahanlarında iştirak etmək istəyən abituriyentlərin qeydiyyatı 24 may tarixində başa çatdı.

Təhsil üzrə ekspertElçin Əfəndi bildirdi ki, yay qəbul imtahanlarında iştirak etmək istəyənlər yaz qəbul imtahanında iştirak edənlərdən elə də kəskin fərqlənmir. Belə ki, rəsmi statistik məlumatlara nəzər yetirək:

Azərbaycan bölməsi üzrə

I qrup 21432 nəfər (Yaz imtahanında iştirak edib Yay imtahanına girməyənlər 1829 nəfər )

II qrup 15977 nəfər (Yaz imtahanında iştirak edib Yay imtahanına girməyənlər 644 nəfər )

III qrup 14996 nəfər (Yaz imtahanında iştirak edib Yay imtahanına girməyənlər 475 nəfər )

IV qrup 3942 nəfər (Yaz imtahanında iştirak edib Yay imtahanına girməyənlər 144 nəfər )

V qrup 36977 nəfər

11 illikdən kolleclərə qəbul 43247 nəfər təşkil edib.

Rus bölməsi üzrə

I qrup 2077 nəfər (Yaz imtahanında iştirak edib Yay imtahanına girməyənlər 270 nəfər )

II qrup 1937 nəfər (Yaz imtahanında iştirak edib Yay imtahanına girməyənlər 127 nəfər )

III qrup 1164 nəfər (Yaz imtahanında iştirak edib Yay imtahanına girməyənlər 115 nəfər )

IV qrup 503 nəfər (Yaz imtahanında iştirak edib Yay imtahanına girməyənlər 37 nəfər )

V qrup 2945 nəfər

11 illikdən kolleclərə qəbul 2384 nəfər təşkil edib.

Ümumilikdə, 90760 nəfər tələbə adı uğrunda mübarizə aparacaq. Yaz qəbul imtahanında I-IV qruplar üzrə iştirak edənlər 65669 nəfər idisə, Yay qəbul imtahanında I-IV qruplar üzrə iştirak etmək istəyənlər 62028 nəfər təşkil edib”.

Ekspert deyir ki, bütün bu statistikalar onu deməyə əsas verir ki, bu il bir sıra ixtisaslarda keçid ballarında qalxma müşahidə oluna bilər:

“Bəzi ixtisaslarda keçid balları ötən qəbul illərinə nisbətən elə də ciddi fərqlənməyəcək. İxtisas qrupları üzrə keçid balları yerində qalacaq. Bu barədə bir neçə ay əvvəl Dövlət İmtahan Mərkəzinin mətbuat xidməti məlumat yaymışdı. Mən yenə də həmin məlumatı diqqətinizə çatdırıram. Belə ki, ixtisas qrupları üzrə keçid balları:

I qrup üzrə ödənişli əsaslarla 200 baldan, ödənişsiz əsaslarla isə 250 baldan aşağı olmayan abituriyentlər

II qrup üzrə ödənişli əsaslarla 200 baldan, ödənişsiz əsaslarla isə 300 baldan aşağı olmayan abituriyentlər

III qrup üzrə ödənişli əsaslarla 200 baldan, ödənişsiz əsaslarla isə 300 baldan aşağı olmayan abituriyentlər

IV qrup üzrə ödənişli əsaslarla 250 baldan, ödənişsiz əsaslarla isə 250 baldan aşağı olmayan abituriyentlər ixtisas seçimi mərhələsinə buraxılacaqlar”.

E.Əfəndinin sözlərinə görə, ixtisas qrupları üzrə keçid balları yerində qalsa da, bəzi ixtisaslar üzrə keçid ballarında artım müşahidə olunacaq.