"WhatsApp"dan bəd xəbər - Bu telefonlarda istifadəsi qadağan edilir

Müasir dövrdə ən çox istifadə edilən sosial şəbəkələrdən biri də "WhatsApp"dır. Son günlərdə isə bəzi telefonlarda bu proqramın işləməyəcəyi barədə xəbər yayılıb.

Gold.News.Az xəbər verir ki, geridə qoyduğumuz aylarda "WhatsApp" tərəfindən açıqlanan siyahıda bu proqramın dəstəklənməyəcəyi telefonlar ifadə edilmişdi. 30 iyun 2017-ci il tarixindən etibarən siyahıdakı telefonlarda "WhatsApp"ın işləməyəcəyi açıqlanıb. Lakin yeni bir şərh edilib və bəzi modellərdə dəyişikliyə gedilib. Bu inkişafa görə bəzi əməliyyat sisteminə sahib telefonlarda ilin sonuna qədər "WhatsApp" istifadə edilməyə davam edəcək.

BlackBerry istifadəçilərinin WhatsApp güncəlləməsində versiya qeydləri içində dəstəyin 31 dekabr 2017-ci ildə sona çatacağı ifadə edilir. Yəni "BlackBerry" istifadəçiləri 6 ay daha "WhatsApp" istifadə edə biləcək. Bununla birlikdə Nokia S40 əməliyyat sisteminə sahib cihazlar da 31 dekabra qədər "WhatsApp" istifadə edə biləcək.

Lakin bu tarixdən etibarən "WhatsApp" köhnə telefon modellərinə dəstəyi kəsəcək və bu telefonlarda "WhatsApp" artıq çalışmayacaq. Telefon sahiblərinin "WhatsApp"ı istifadə üçün yeni bir model satın alması lazım olacaq.