Tramp FTB-nin hədəfində - - Kürəkən Amerikanı Rusiyaya necə satdı?

Amerikanın Federal Təhqiqatlar Bürosu (FTB) ölkə prezidentinin kürəkəni haqqında soruşdurma başladıb.

GoldNews.Az xəbər verir ki, Donald Trampın kürəkəni və baş məsləhətçisi Jared Kuşnerin Rusiyanın Vaşinqtondakı səfiri Sergey Kislyak ilə görüşməsi FTB-nin nəzərindən qaçmayıb. Seçki kompaniyası zamanı Trampın komandası ilə Moskva arasında bir bağlantının olub-olmadığını araşdıran FTB ilk dəfə prezidentin ailə üzvlərindən birinin adını gündəmə gətirib.

Amerikanın Vaşinqton Post qəzetində yer alan məqaləyə görə, Kuşner FTB-nin Rusiya haqqında apardığı soruşdurmaya birbaşa daxil olmadan, sadəcə rus səfir ilə görüşdüyü üçün araşdırılır.

Ortaya çıxıb ki, kürəkən rusiyalı səfir və bir bankir ilə ötən ilin dekabr ayında görüşüb. Kushnerin görüşdüyü rus bankir Sergey Qorkov olub. Qorkovun rəhbərliyi altında olan "Vnesheconombank" Rusiyanın Krımı ihlaq etməsindən sonra Amerikada həmin dövrün Obama hökümətinin etmiş olduğu sanksiyalar çərçivəsində olub.

Vəkili Jamie Qorelick Kuşnerin bu görüşlərlə bağlı hər cür məlumatı Amerika Konqresi ilə paylaşmağa hazır olduğunu bildirib.

FTB-nin keçmiş başçısı James Comeyini may ayının 10-da işindən qovan Tramp Rusiya haqqında aparılan tədqiqat səbəbi ilə çətin günlər yaşayır. Kürəkəni haqqı soruşdurmanın aparılması onu göstərir ki, FTB ilə Ağ Ev aradakı gərginlik daha da yüksələcək.