"Təhdid edilə bilməyəcək qədər zəngin ölkəyik " - Maliyyə naziri

Ölkənin maliyyə naziri " The Times" qəzetinə iddialı müsahibə verib.

GoldNews.Az xəbər verir ki, Qətərin maliyyə naziri El Emadi onilliklərdir ki, davam edən təbii qaz satışının nəticəsi olaraq güclü maliyyə rezervlərinə sahib olduqlarını xatırladıb:

"Ümumdaxili məhsulun 250/100-nə bərabər gələn milli varlıq fondlarına sahibik. Qətər Milli Bankında rezervlərimiz var. Maliyyə Nazirliyinin də strateji ehtiyatları var".

Ölkəsinin iqtisadiyyatını Dohaya embarqo qoyan ölkələrin iqtisadi gücü ilə müqayisə edən nazir bildirib ki, Qətər daha güclüdür.

El Emadi həmçinin vurğulayıb ki, Dohaya embarqo qoyan bölgə ölkələrinin ciddi iqtisadi problemləri var: "Bəhreyn və Misirin kredit qeydi zibil səviyyəsindədir. Səudiyyə Ərəbistanına baxsanız, maliyyə sahəsində böyük problemlər yaşadığını görərsiniz. Bölgədə ən sürətlə böyüyən ölkə bizik".