Şamil Basayev belə "ləzginka" oynamışdı - VİDEO

Çeçen Azadlıq Hərəkatının lideri, əfsanəvi komandir Şamil Basayevin şəhid olmasından 11 il keçir.

GoldNews.Az xəbər verir ki, Şamil Basayev 1965-ci ilin yanvarın 14-də Çeçenistanın Vedeno kəndində anadan olub.

Abxaziyanın Xalq Qəhrəmanı adına layiq görülən çeçen komandir Dağlıq Qarabağ müharibəsi zamanı mücahidləriylə birgə ermənilərə qarşı vuruşub, hətta Şuşanın onun tərəfindən müdafiə olunması təklifini irəli sürüb.

"ANS" kanalına müsahibəsində Basayev bildirib ki, "Azərbaycan Dağlıq Qarabağ müharibəsində uduzmayıb. Sadəcə, müvəqqəti olaraq 20% torpağından məhrumdur. Müharibə zamanı bir batalyonda mənim əsgərlərim də orada döyüşürdü. Ermənilərə isə çox güclü ruslar kömək edirdi".

Azadlıq savaşında mücahidə ən böyük zərbə ailəsinin yaşadığı evin bombalanması olub. 1995-ci ildə ruslar qırıcı təyyarələrlə Basayevin evini bombalayıblar. Bombardman nəticəsində Şamilin abxaz həyat yoldaşı da daxil olmaqla 11 ailə üzvi öldürülüb. Ailəsinin məhvi şübhəsiz, ona pis təsir edib, ancaq Şamil verdiyi müsahibədə bu haqda belə deyib:

“Ailəmin intiqamı üçün yox, vətənim üçün vuruşuram. Savaşım müstəqillik üçündür”. Ona terrorçu damğası yapışdıranlara isə fikir vermirdi. O, “Allah bilir mən kiməm və nə istəyirəm” deyib.

2005-ci ildə ABŞ-ın “ABC” telekanalının rusiyalı müxbiri Andrey Babitskiyə müsahibə verən çeçen səhra komandiri Şamil Basayev ona günahsız yerə öldürdüyü rusiyalı uşaq və qadınlar barədə verilən suala belə cavab verib:

“Bəs Çeçenistanda öldürülən günahsız körpələr? Günahsız yerə öldürülən 40 min çeçen körpənin qatilləri kimlərdir?”.

GoldNews.Az əfsanəvi komandirin mücahidləri ilə rəqs etdiyi videonu təqdim edir: