17 yaşlı qız uşağını çimərliyin ayaqyolunda dünyaya gətirib Ailəsi ilə əylənməyə getdi

Türkiyənin Tekirdağ bölgəsində yaşayan 17 yaşlı G.K. sevgilisindən hamilə qalıb.

GoldNews.Az xəbər verir ki, gənc qız qorxusundan hamilə olduğunu ailəsindən gizlədib. Kumbağ sahilində çimərlik ayaqyolunda uşağını dünyaya gətirən qız körpəsinin göbəyini kəsib onu dəsmala büküb. O, uşağı ayaqyolunda tək qoyaraq uzaqlaşıb. G.K. yenidən ailəsinin yanına dönüb və daha sonra çimərlikdən ayrılıb.

Ağlayan körpənin səsini eşidən vətəndaşlar jandarmaya və təcili tibbi yardıma zəng vurublar. Polis araşdırma nəticəsində G.K.-nı və onun 3 ailə üzvünü nəzarət altına götürüb. Çıxarıldıqları məhkəmədə G.K.-nın atası K.K., anası Y.K. və qardaşı M.K. sərbəst buraxılıb. Yeniyetmə qız isə həbs edilib.