ŞAD XƏBƏR - Qəbələyə və "Şahdağ" qış-istirahət mərkəzinə dəmir yolu çəkiləcək

Xaçmaz istiqamətinə olan dəmir yolu xətti yenidən inşa olunur".

Bunu “Azərbaycan Dəmir Yolları”nda son üç ilin yekunlarına həsr olunmuş yığıncaqda QSC sədri Cavid Qurbanov bildirib.

C. Qurbanovun sözlərinə görə, Bakı-Yalama stansiyası yenidən təmir olunacaq, buradan elektrik qatarları buraxılacaq.

"Xudat stansiyasından sola dönməklə Qusarın üzərindən keçməklə Şahdağa qədər olan yolun çəkilişi üçün layihələndirmə işlərini hazırlayırıq. Gələcək üçün isə Qəbələdə qış-istirahət mərkəzi ilə "Şahdağ" qış-istirahət mərkəzini tunel vasitəsi ilə bir-birinə birləşdirməyi düşünürük. Bir növ dairə alınacaq", - deyə C. Qurbanov əlavə edib.

Qurum rəsmisi qeyd edib ki, bu il Bakıdan Gəncəyə sürət qatarı da açılacaq. C. Qurbanovun sözlərinə görə, bu il, həmçinin Qəbələyə dəmir yolu çəkiləcək.

"Qəbələyə yolu Ləkidən dönməklə çıxacağıq. İlk öncə Bakıdan Ləki stansiyasına qədər gediləcək, ondan sonra Ləkidən sağ tərəfə çıxıb, Ağdaşın yanından keçməklə Qəbələnin hava limanına qədər çıxacağıq. Ləki stansiyasından Qəbələyə qədər 57 km yoldur. Bir az da dağlıq relyefi var və yüksəkliklə hərəkət olacaq. Bu il artıq tikinti işlərinə başlanılacaq. Gələn ilin sonuna kimi Qəbələyə kimi olan yolu bitirməyi düşünürük", - deyə C. Qurbanov vurğulayıb.//APA