Ruhi: “Övlad həsrəti çəksəm də, mükafatımı aldım” - FOTOLAR

Biznes-ledi Ruhi Əliyeva övladlarından danışıb.

GOLDNEWS.Azxəbər verir ki, skrom.net saytına açıqlama verən əkizlərin anası bildirib ki, həyatını oğlanlarına həsr edib.

“3-4 ildir ki, həyatımdan neqativ insanları çıxarmışam. Mən iki uşaq anasıyam. Mən istəmirəm ki, mənfi yüklənib övladlarıma pis enerji ötürüm. Qadınlar çalışmalıdır ki, xoş düşünüb, gözəl əhval-ruhiyyədə olsunlar.

O zaman gözəl uşaq yetişdirmək mümkündür. Əsəbi, aqressiv qadın övladına ancaq əsəb verə bilər. Həyatımda ən böyük varlıq övladlarımdır. Hər şeyi oğlanlarımı düşünüb yaşayıram. Ona görə ətrafımda mənfi düşüncə olmamalıdır. Valideyn övladla nəfəs alır. Övladdan əziz həyatda heç nə yoxdur. Birinci sevgimiz Rəbbimizədir, sonra isə övladlarımız gəlir. Allah illərlə məni ana olmaq hisslərindən məhrum etdi, övlad həsrəti çəkdim. Sonunda öz istədiyim kimi mənə oğul övladı verdi. Bu da mənim üçün mükafat idi”.

Qeyd edək ki, Ruhinin Məhəmməd və Həsən adlı əkiz övladı var. Onların atası iş adamı İlham Rəhimovdur.