Rəssam həşərat internet fenomeni oldu - Fotolar

Sahibinin verdiyi qələm və fırça ilə şəkil çəkən maral böcəyi Spike öz adına açılmış “İnstagram” hesabından 1 həftə ərzində 15 min izləyiciyə sahib olub.

GoldNews.Az xəbər verir ki, Yaponiyanın Nagano şəhərində rəsm çəkə bilən maral böcəyi görənləri təəccübləndirib.

Məlumata görə, özündən çox daha ağır obyektləri maral buynuzuna bənzər məngənələri sayəsində tutan Spike çəkdiyi rəsmlərlə diqqətləri üzərinə çəkib.

"Spike"ın məngənələri arasına karandaş və ya rəsm fırçası yerləşdirən sahibi Mandy Bryant söyləyib ki, o, çox xüsusidir. Həşəratın özünəməxsus bir çox xarakteri var.

Fotoları sosial media üzərindən sürətlə yayılan "Spike"ın şöhrətə nail olduğunu deyən Bryant qeyd edib ki, prosesi yoldaşlarıma göstərmək üçün həşəratın absurd fotoşəkillərini çəkirdim. Ona verdiyim qələmi kağızın üzərində elə yellədirdi ki, gülməli olduğunu düşünərək şəklini çəkməyə başladım.