Prezidentdən şəhid ailələri, müharibə və 20 Yanvar əlilləri barədə SƏRƏNCAM - Təqaüdlər artırıldı

Dövlət başçısı şəhid ailəsi üçün Azərbaycan Respublikası prezidentinin təqaüdünün artırılması haqqında sərəncam imzalayıb.

GoldNews.Az-ın xəbərinə görə, sərəncama əsasən şəhid ailəsi üçün Azərbaycan Respublikası prezidentinin təqaüdünün aylıq məbləği 2018-ci il martın 1-dən 10 faiz artırılıb.

Prezident İlham Əliyev müharibə əlillərinin və 1990-cı ilin 20 Yanvar hadisələri ilə əlaqədar əlil olmuş şəxslərə verilən Azərbaycan Respublikası Prezidentinin təqaüdünün artırılması haqqında da sərəncamlar imzalayıb.

Sərəncamda qeyd olunur ki, təqaüdlərin aylıq məbləği müvafiq olaraq 2018-ci il martın 1-dən 10 faiz artırılsın.