Nüsrətin restoranında faciə — Alov şousunda turistlər yandı (Video)

Nüsrət Gökçənin İstanbulun Etilər səmtindəki restoranında faciə baş verib.

Alov şousunda Çex vətəndaşı olan bir qadının paltarları alışıb. Nəticədə qadının bədənində ağır yanıq xəsarəti meydana gəlib.

Hadisə nəticəsində 3 turist və iki nəfər restoran işçisi də xəsarət alıb. İnsident dünən axşam saatlarında baş verib. Hadisə şahidləri baş verənləri belə danışıblar:

“Restoranın bar hissəsində masa üzərində iki işçi alov şouya başlayıb. Amma masanın üzərindəki alovlar ətrafa sıçrayıb. Bu zaman işçilərdən biri əlindəki qabdan alovun üzərinə maye töküb və alov daha da vüsətlənib. Alov barda əyləşən Krisrina Tresnakovanın paltarına düşüb və yanıb. Qadına əri və ətrafda oturanlar müdaxilə ediblər. Ağır yaralanan qadın xəstəxanaya aparılıb.

İnsident nəticəsində Tresnakova, əri Viktor və bal ayı üçün İstanbula səfər edən ingilis bankir Aleksandros Severis və Omman vətəndaşı Məhəmməd Xamıs Salim də yaralanıb. Onlar polisə verdikləri ifadədə restorandan şikayət ediblər.

//olke